მეოთხე დღის რეფლექსია

დრეს საკმაოდ დატვირთული მოდული იყო. შევისწავლეთ ბუკლეტის შექმნა. გავაკეთე ჩემი პროექტისთვის მშობლებისათვის გამიზნული ბუკლეტი.  გამიხარდა, რომ გამომივიდა. ასეთი ბუკლეტები ყოველთვის შემიძლია მშობლებთან ურთიერთობისთვის სხვა დროსაც გამოვიყენო. ძალიან  მომეწონა, თუმცა ცოტაოდენი გამიჭირდა. 

მესამე დღის რეფლექსია

დღეს ძალიან საინტერესო და დატვირთული დღე იყო. განვიხილეთ ჩვენი პროექტის შესახებ როგორ დავწეროთ საკვანძო კითხვები, რა განსხვავებაა ზოგად, თემატურ და შინაარსობრივ კითხვებს შორის, შევავსეთ ნაწილობრივ პროექტის შაბლონი და წყვილებში შევაფასეთ ერთმანეთის ნაშრომი. ჩემი მეწყვილის ისტორიის მასწავლებლის, თეა გელაშვილის პროექტი მომეწონა, თუმცა მქონდა შენიშვნები, ხოლო მას მოეწონა ჩემი და მისურვა წარმატებები. მეც ვუსურვებ ყველას წარმატებებს.

საბანკო ურთიერთობების კვლევა

მიმართულების მიმცემი საკვანძო კითხვები
ზოგადი კითხვა	რაში გვჭირდება ფული?
თემატური კითხვები	როგორ ვიშოვოთ ფული? რა იცით საბანკო ურთიერთობების შესახებ? რა არის სესხი? რა არის ანაბარი?  საქართველოში მოქმედ რომელ ბანკებს იცნობთ? რომელ საზღვარგარეთ მოქმედ ბანკებს იცნობთ?
შინაარსობრივი კითხვები	როგორ მოვიძიოთ ინფორმაცია საბანკო ოპერაციების შესახებ როგორც საქართველოში, ისე საზღვარგარეთ? როგორ დავამუშაო მიღებული ინფორმაცია? როგორ შევადგინო სამუშაო გეგმა? როგორ მოვიძიო ინფორმაცია მოსახლეობაში? რომელი ტექნიკური საშუალება თუ ლიტერატურა დავიხმარო? რა ვიცი და რისი შესწავლა მომიწევს? როგორ დავაჯგუფო მონაცემები ხელსაყრელი სახით?  ვინ და როგორ დავიხმარო ინფორმაციის მოძიება-დამუშავებაში (მაგ. მშობლები, ახლობლები...)?

მეორე დღის რეფლექსია

დღევანდელ დღეს განვიხილეთ ჩვენი საშინაო დავალება- პროექტების მონახაზები. ყველამ წარმოვადგინეთ ნაშრომები. ჩემ ნაშრომზე " საბანკო ოპერაციების კვლევა" მივიღე შენიშვნები, თუ რატომ უნდა გაეკეთებინათ ბავშვებს ეს პროექტი, რა იყო მიზანი და რატომ უნდა დაინტერესებულიყვნენ. ამისათვის  მოვიფიქრე დამემატებინა საზღვარგარეთ ბანკების ანაბრებისთვის შეედარებინათ და რამდენად მომგებიანია ჩვენ ბანკებთან ურთიერთობა, ამაზე ეფიქრათ.
 ძალიან მომეწონა სხვების ნაშრომებიც, რომელსაც ჩემ შემდგომ მუშაობაში გავითვალისწინებ.